【體路專訊】「未打到最後真係唔好放棄！」港產「四眼Cue后」吳安儀再次展現「打不死」精神，周一凌晨於英國Gloucester舉行的女子桌球大師賽決戰宿敵伊雲絲，在決勝局落後67度、枱面只餘6隻紅波的劣勢下絕地反擊，最終以局數4：3實現驚天逆轉封后，一年內包辦世錦賽、全英賽及大師賽三大錦標，風頭一時無倆。
豁免小組賽直入淘汰賽階段的吳安儀，16強以3：0輕取Chloe White後，又分別以3：1力挫Shannon Metcalf及以4：1篤走Rebecca Kenna躋身決賽，再遇11屆世界冠軍英格蘭「天后」伊雲絲，合演今屆世錦賽及全英賽翻版戰。「四眼妹」在比賽有不錯開局，領先過1：0及2：1，但伊雲絲即還以顏色，連追兩局反超3：2，率先搶得「致勝分」。猶幸心理質素愈來愈好的吳安儀臨危不亂，頂住壓力拿下第6局扳平3：3。
雙方進入決勝局，伊雲絲把握機會「上手」，更帶先67分，當時枱面僅餘6隻紅波，眼見捧盃在望之際，永不言棄的「四眼妹」卻絕地反擊，先打一桿38度拉近比分，再Set一桿「士碌架」，伊雲絲3次救波失敗，到第4次成功救球但送上「餐士」，造就吳安儀清枱反勝，奇蹟般登上后座，贏得今年第7項桂冠。
「過山車咁嘅心情！」她賽後不禁高呼「未打到最後真係唔好放棄！」：「今次賽事我較為慢熱，要打至8強才有一棒72度，反觀伊雲絲在16強已轟出其生涯第3高分的139度，不過跟過往不同，我完成4強戰比伊雲絲快，有多一點休息時間。決賽戰況激烈，決勝局我落後67度只餘6隻紅波，最終反敗為勝，這完全是今屆世錦賽的翻版。賽後伊雲絲父親懷疑計錯分，要求翻查分紙，我當時都好驚食詐糊，幸好有驚冇險。」吳安儀明日凱旋，兩星期後再赴卡塔爾出戰IBSF世界業餘錦標賽。
資料來源：WLBS、吳安儀