【體路資訊】你有無波鞋可以捐俾《正生書院》嘅學生呢？
運動，係《正生書院》生命教育重要嘅一部份，跑步就能訓練學生們嘅體能、意志及情緒；可惜，基於書院嘅資源所限及學校環境之惡劣，同學們嘅波鞋耗損得很快，卻又無得替補，所以希望各位能夠幫幫忙，將屋企唔再着嘅舊波鞋捐俾《正生》嘅學生們以作訓練之用。
咩鞋好呢？
運動鞋最好係跑鞋，但其他波鞋(例如網球鞋、籃球鞋等)也歡迎捐助，但謝絶釘鞋。男女裝皆可，尺碼不限(但以39-43為最佳)，新舊不拘，但必需係完整、可接受及可使用嘅狀況 (workable & in reasonable shape)。
收集方法
請將每對波鞋作普通清潔後用膠袋裝好，喺 17/2 至 29/2 辦公時間內，送到《新城電台》接待處 (地址: 黃埔花園第六期地庫二層)，註明交俾 DJ林柏希，我會集合所有運動鞋後，一次過轉贈予《正生書院》嘅陳兆焯校長。
既環保又有意義，希望大家能夠轉發俾更多朋友，一齊支持《正生書院》的學生們。感激。