【體路廣州直擊報道】儘管在亞冠盃分組賽處子亮相就失了7球，但全場高飛低撲的東方龍獅隊長葉鴻輝，賽後仍然獲得國內傳媒大讚，更指他「好過8成中超門將」，絕對有能力在國內立足。
自從港隊在世界盃外圍賽兩度賽和中國隊，還與鄭智隔空罵戰之後，葉鴻輝即成為國內球迷眼中釘。恒大擁躉今晚「由頭噓到尾」，更不時以粵語粗口大喊：「傻X！葉鴻輝！」阿輝身經百戰，自然沒有被影響，上半場更多次將對手必入球拒諸門外，當中包括撲出阿蘭的12碼。無奈兩名隊友先後染紅被逐，大部分時間9人應戰下，阿輝縱有三頭六臂，最終仍難逃慘吞7隻光蛋厄運。無巧不成話，阿輝其中一個師傅范俊業，當年代表香港隊作客天河對中國隊，亦同樣輸過0:7，比賽中也曾救出鄭智的極刑，兩師徒可說是同一命運。
不過，國內傳媒仍高度讚揚阿輝：「反應真係好快，上半場已救咗3個必入波，我睇佢實力仲好過好多中超強隊嘅門將。可惜中國足協修例影響到佢唔可以喺國內立足，希望佢趁今屆亞冠機會，吸引到外國球會，出外搵食。」或許因為心情欠佳，阿輝賽後走過混合採訪區，面對本地傳媒提問時，未有停下腳步，只是張開手板，示意不想受訪。
圖／文：文森特、陳淙澧