【體路專欄】想上網站查下St Joe（聖若瑟書院）B Grade師弟打成點，點知網站十年如一日，非常落後（無詳細得分、無排名榜，地下聯賽一定做得更好，唉）
目前B Grade 師弟在學界籃球賽兩勝兩負，贏波兩場分別以59：34擊敗皇仁同49：38擊敗漢華，輸?兩場分別係華仁同聖保羅，兩隊同樣由尹志遠執教。
B Grade要殺入最後四強，先要滿足以下條件：
（一）B Grade 最後一場要打贏South Island
（二）四戰全勝嘅華仁要打敗聖保羅
（三）漢華最後一場要打敗皇仁
如果（一）、（二）、（三）條件成立，到時St Joe、聖保羅同漢華都係3勝2負、理應要用對賽成績去分次名。
通常咗緊張情況，總有口痕友會擔心，執教華仁嘅尹志遠會唔會放水畀自己執教嘅聖保羅，等兩隊可以同時晉身四強？
不過筆者認為機會不大，皆因華仁一輸，分分鐘變小組次名，要和另一組首名張振興對撼，而且以尹志遠嘅執教態度，相信唔會偏私。
文：邱益忠（亞洲運動及體適能專業學院（AASFP）市場及傳訊經理）