【體路專欄】香港隊噚日喺石硤尾公園練波，同傑志踢左場友賽。
石硤尾公園，一般人都可以進進出出，香港隊就係咁樣同公眾毫無隔膜，係代表我們嘅足球隊。
石硤尾公園依山而建，呢座山平平無奇，球員日日都行幾廿級樓梯上去，都唔會發現有咩特別。
呢座山叫雞冠山，幾廿年前滿佈木屋，同對面既石硤尾邨球場乘載住無數嘅球星夢，個個放學後(或甚冇番學….)就飛奔落樓下踢波，幻想終有一日可以成為球星，帶領香港隊打入亞洲盃，甚至世界盃。
惟1968年之後，我地就冇再入過亞洲盃決賽週。
今時今日，雞冠山甚至整個香港都變了，冇變的惟那朦朧遠方的巍巍獅子山，以及永不磨滅既夢想，依然盤踞在這半島上。
屬於我哋嘅香港隊
香港隊由港甲球員組成，佢地全部嚟自南華足球隊，尋日喺石硤尾公園練波。
石硤尾公園依山而建，盡頭係歌和老街同筆架山。
「年青的詩人，放下一刻的安息，跑上海外的高原，把種子撒下山岡，使烽火裡的詩群底旗幟，展開了新生的光芒。」- 1941年梁儼然 「小西湖之旅」。
唸新詩，講緊嘅山岡，正是石硤尾公園。
公園山上原本有屬於香港既小西湖，南華會遊藝部就於1937年攪過小西湖旅行團，比呢班球員早左77年黎到。
今日，我們就係嚟傳承種子，展開新生既光芒。
我地 出年去澳洲。
我地都係香港人。
雖然膚色唔同，語言唔同，族裔唔同。
但我們都係香港人，著得起呢件波衫，就係自己人。
香港人支持香港人，不解釋吧。