【體路專訊】眾運動員和名人身體力行，支持聯合國兒童基金香港委員會（UNICEF HK）發起的「口罩下的心情」分享行動。UNICEF HK大使郭晶晶、李慧詩（Sarah）及黃金寶率先於社交網高舉「心情卡」，透過圖像展示自己的「口罩下的心情」，藉此守護兒童的微笑和情緒健康。Sarah表示︰「疫情下大朋友同小朋友都可能會有好多疑問，不過無論係開心、唔開心、嬲又好，笑又好，懷住點樣嘅心情都好，都唔好怕同人分享，咁先係錫住自己嘅方法！你今日嘅心情又係點呢？」
「口罩下的心情」分享行動同時獲空手道運動員李振豪、體操運動員石偉雄及輪椅劍擊運動員余翠怡於社交平台響應，李振豪更抒發與病毒打硬仗的感受︰「呢段日子嘅心情都幾複雜，有過對病毒嘅恐懼，有過留院期間嘅煩悶，但無論如何都要勇敢面對。身體同心靈都可以係道場，雖然面對緊前所未有嘅挑戰，我一定會用意志同信念打贏呢場仗！」
石偉雄就指︰「多一年嘅等待都係操練自己嘅機會。保持一顆平常心，每一個細節都力臻完美，之後回望經歷過嘅挫折與努力，相信每個人都會感激而家嘅自己。即使出街仲未除得口罩，都要執靚心情，珍惜每一刻。」至於余翠怡亦表示︰「喺艱難嘅時刻，最緊要係調節心態。雖然奧運延期打亂曬訓練計劃 ，但留喺屋企都會記得train from home，為未來做好準備。『關關難過關關過』，輸咗嘅比賽可以一劍一劍贏翻嚟，無論有咩風雨，我哋一樣可以笑住面對。」
UNICEF HK現邀請全港家長和小朋友，與一眾運動員和名人一起分享「口罩下的心情」，讓小朋友學習表達不同的情緒，父母的聆聽和接納，亦能增強親子情感溝通，有助保持情緒健康。4個步驟，分享心情，更可獲取禮品︰
步驟1：家長鼓勵兒童以繪畫、寫作或任何形式自製「情緒日記」
步驟2：家長或兒童將「情緒日記」上載Facebook個人戶口的頁面上，帖子設定為「公開」
步驟3：帖子內須加上Hashtags #口罩下的心情 及 #UNICEFHK
步驟4︰「讚好」UNICEF Hong Kong專頁，並將帖子截圖inbox給UNICEF HK，即可獲限量禮品一份
活動資訊︰
時間：即日起至6月7日
禮品名額：100份，先到先得
日記內容：抗疫多日的心情，例如畫一張心情卡，或者以任何形式分享幾個月以來的心情、留在家中的心情、讓你情緒有變化的活動等等。
註：只需要提交一張「日記」即可。詳情請瀏覽UNICEF HK Facebook專頁
資料來源：UNICEF