【體路專訊】今屆東京奧運乒乓球女子團體賽銅牌得主杜凱琹（阿杜）、李皓晴（皓晴）、蘇慧音（阿蘇）日前接受香港電台第一台《舊日的足跡》訪問，與主持車淑梅暢談獲獎心情與家人的支持。三位女將表示十分回味奪得奥運銅牌的一刻，皆因感覺終於完成任務。由亞洲錦標賽、世界錦標 賽到亞洲運動會，三人並肩走過一段頗長的路：「我哋嘅凝聚力帶我哋嚟到今日嘅位置，好回味就係終於做到攬在一起嘅時刻！」
教練李靜曾笑說球員要多看鬼片壯膽，難道這乒乓三寶也是賽前以鬼片熱身?阿杜斬釘截鐵說 肯定不是，看恐怖片反而令人難以入睡，影響訓練！皓晴說:「比賽吸收咗經驗，輸得夠痛就會記得， 唔好去諗結果，否則就會變得冇膽!」阿蘇則認為比賽時要豁出去，放下自己所擁有的，從零開始去應付對手。
阿蘇一頭粉紅色頭髮被李静形容為「絕地反擊粉紅色」。她解釋謂：「我鍾意染頭髮，好得意， 染完後有一個全新嘅自己。幾年前世界賽染了 sharp 嘅顏色，當時好單純，成日都想染粉紅色，覺得 好靚，（於是）我試下，仲要喺起飛前嗰日（染髮），等無人可以阻止到我，或者要我染返黑色……其實一 開始都有幾多人話我隻色唔正經，畀人玩吓玩吓、唔認真踏實嘅感覺。咁啱嗰次打得好好，我就認定 呢隻係自己嘅幸運顏色，令我有更好嘅發揮！」她表示這次奧運抱着一個心態，以一個全新的自己去 比賽，結果她成為功臣，兩位好拍檔有何反應?阿杜笑稱：「好幸運，上次贏咗丁寧，今次打得咁好， 阿蘇一定要研究一種唔甩色嘅粉紅色！」皓晴話：「只要佢贏波，我地打得好，佢染乜嘢色都得！光頭都得！」
奧運獎牌是他們努力的成果，三人都珍而重之，表示會放在家中最當眼位置，並且「得閒攞嚟摸 吓」。原來阿杜自小已贏取多面獎牌，杜媽媽會用保鮮紙逐一把獎牌包好存放在玻璃櫃。皓晴媽媽會 把重要的獎牌放在家中展示，其他的則同樣用保鮮紙包裹，放進迷你倉。阿蘇指小時候爸爸的獎牌最 多，現在兩人的獎牌已放在一起，蘇媽媽還會把重要的獎牌連同相片一併展示!
三人於奧運獲得佳績，有賴家人的支持。他們分別在節目中送上不同的歌曲給父母以示感激。阿 杜點播《誰令你心痴》，因為父母最喜歡合唱這首歌；皓晴選了《真的愛你》；阿蘇的選擇是姜濤的 《矇著嘴說愛你》。最後，她們送上鄭欣宜的《女神》給大家，更異口同聲表示:「首歌好鼓勵到自己、 鼓勵人心！其中一句『不要低頭，光環會掉下來』，就係叫每一個人都要相信自己，其實你比自己想像中更加犀利！」
香港電台第一台節目《舊日的足跡》由車淑梅主持，上述訪問將於本周日（8 月22日）早上8時10分至10時於港台第一台（FM 92.6– 94.4）播出，聽眾亦可在港台網站（rthk.hk/radio1_hkfootpath）及流動程式 RTHK Mine 收聽直播或重溫節目。
資料來源：香港電台