【體路專訊】隨著昨日（6日）在世界桌球錦標賽外圍賽首圈以2：6不敵黑人球手麥覺萊（Rory Mcleod），香港「四眼Cue后」吳安儀亦完成2021/22 職業賽季，她在個人社交平台作出總結及分享感受，自言見證自己成長最感恩惠，更定下下賽季目標：打敗 今個賽季嘅我！
吳安儀2021年初歷史性獲世界桌球總會頒發「外卡」出戰男子世界職業巡迴賽，惟因疫情肆虐，遲遲未能出發前赴到歐洲，直至10月終於起行展開職業之途，之後「四眼Cue后」參加了多項排名賽外圍賽、亦打過全英標標賽，更曾與「火箭」奧蘇利雲練波。今年2月，她於威爾斯桌球公開賽外圍賽，迎來職業生涯首場勝仗，以4：2力挫中國球手吳宜澤，歷史性在職業巡迴賽打入正賽，上周又在溫車士打（Winchester）女子公開賽以4：0橫掃應屆世界冠軍泰國新星勒查露（ Nutcharut Wongharuthai），贏得本賽季第2項女子排名賽冠軍。
「安儀」今日在facebook寫下感言：「打咗7個Pro Tour比賽，贏咗1場，賽績可能不值一提，不過見證自己成長，進步對自己更加珍貴。」她又感激身邊一直支持自己的每一位：「 收到好多你哋同我打氣嘅message，要你哋成日睇住我首圈出局可能會唔好受。一個比賽只有一個冠軍，唔通其他就係失敗者？我嘅人生唔係只有贏輸，輸唔可怕，輸完就放棄先係。」
最終，「四眼Cue后」期望下個賽季會見到更加厲害的吳安儀：「目標：『下個賽季嘅我』 要打敗 『今個賽季嘅我』。」