睇路！體路！終於有一個新嘅本地體育網站喇！我祝願「體路」業務蒸蒸日上，有朝一日成為另一本體壇雜誌！好喇，大家好，我係鍾國樑，有人叫我Alex，肥樑，樑哥……適隨尊便，由今日起，小弟會係度吹吹水，上至天文地理，牛鬼蛇神，下至體育資訊，生活點滴，都會同大家分享分享，亦都希望多啲讀者互動，多多指教！
我剛剛過咗我生日，29嵗喇…好彩，亦都感覺到自己重係精力充沛，我唔會咁快退役嘅…起碼打到35嵗啦！
29歲呢個年紀其實係好多運動都係黃金年期，因為無論生理與心理上都非常成熟，經過歲月的磨練，面對壓力或困難時可以化險為夷，亦可以成熟地處理問題。我成功地由游泳轉到水球，係因為我有目標，有planning。其實做任何事，只要有目標，策劃一下未來大計，越早策劃，越容易達到目標，以下係小弟嘅經驗例子：
2008年轉打水球後目標：
用兩年時間打好基礎，於2010，2014年再參加亞運會，四年內成為主力。不斷推廣水球，增加認受性。
總結一下以上簡單例子，我就能夠完成我嘅目標喇，重早咗添！年青人，你地plan咗未吖？
樑哥
alex.aquaspeed@gmail.com