踏入11月，NBA即將開鑼，相信好多球迷都必定準備好心情，去迎接自己喜愛既球隊或偶像於新一個球季有亮麗既演出。至於最引人注目既必定係Derrick Rose既復出，能否帶領公牛推倒由Lebron James掌舵既熱火皇朝。
談到Lebron James這名NBA球星，不禁令我想起近日於報紙內睇到既一則報導：
對於是現役球員及教練身份既我，看到這番說話竟然出自一名世界級及萬人迷既NBA球星口中，確實百思不得其解。毫無疑問，於現今NBA當中，大帝占士既得分能力係毋庸置疑，但這是罰球表現欠佳，百分率低既理由嗎？
在一個好球員既角度看，於場上表現出了問題，第一時間是應該反問自己，糾正自己，改善自己，而不是將問題歸咎於對手、隊友或戰術上，推卸責任；至於在教練既角度看，此等言行會影響到日後學打籃球既小朋友思想發展，擔心他們會模仿個別NBA球星既自大言行，難怪現在我經常在小朋友比賽時，聽到他們各適其適的藉口去解釋表現不濟：「今朝測驗，尋晚溫書溫到好夜」；「對方犯規，球證又唔吹」；「未夠熱身，打多陣會好少少….」
所以為何人們經常說「Michael Jordan是一個偉大既球員；而Lebron James只是一個好球員」，能夠成為偉大既球員，除了球技出眾之外，個人既品德亦都相當重要，希望小朋友在鍛鍊球技之餘，思維既訓練亦都不能缺少。努力！