【體路專訊】泳壇最重要的盛事、香港游泳教練會30周年聚餐暨頒獎晚宴周六(17日)假富豪香港酒店舉行，何詩蓓(Siobhan)和歐鎧淳(Stephanie)雙雙獲選為本年度最佳泳手！
上年奪得最佳進步獎的Siobhan，今年換個獎項得到最佳泳手，混血兒的她表示這個奬對她來說「很大」：「好開心，對我來講我喺一個認同，但其實2014年的挑戰好大，因為13年破咗好多記錄，好難再突破。」三個月後將會踏入DSE戰場的Siobhan，會開始減少訓練，專注學業到考試完畢，再向世界游泳錦標賽進發。雖然Siobhan表明9個月後會到美國升學，但她仍會代港出賽，到外地讀書之餘亦繼續訓練：「2016年的奧運成績標準都啱啱出咗，希望達到A標，主力都係50、100米自由泳同200米混合。」
至於連續兩年奪得最佳泳手的歐鎧淳覺得今年的奬比上年意義更重大：「因為今年可以同教練一齊拎獎，係我哋共同努力所得返來嘅獎項，所以感受會較深。」對於今年同Siobhan一齊奪得此殊榮，她笑言知道有股後浪推進來：「但佢可以inspire到班同輩選手係好好，始終泳壇需要新血。」短期目標希望達A標到奧運成績的Stephanie，會專注在100米背泳：「除此之外，依家嘅4×100米自由泳接力應該喺有史以來最強，希望可以爭取到好成績。」
圖、文: Diamond Kwok