上次篇網誌出咗街之後，好多朋友覺得好驚奇之外，仲係咁問我何謂「足以影響一生嘅旅程？」既然大家咁有興趣，今次就同大家分享下人生中幾個特別嘅旅程…
charmwingkei-blog
香港手球運動員湛永基網誌：膽粗粗
第一次寫網誌，太太有以下反應：「估唔到你會寫，我真係覺得好攪笑。」如果你係我朋友，睇緊呢篇網誌嘅時候，你都會有啲疑惑，不過我肯定你唔會係第一次「估我唔到」！ 回想19年前，喺小學打籃球排球的我，完全無接觸過手球。上到中一，啱啱開學，體育堂阿sir話：「肥仔，下星期一放學過嚟玩下手球，練吓波！」之後返屋企同阿媽講，老媽子一頭霧水，完全唔知咩係手球，聽都未聽過！之不過，我都好奇究竟手球係咩，所以「下星期一」去咗試新嘢！就係咁開始咗一個高低起伏，意想不到，足以影響一生嘅旅程，多謝體育阿sir-李炳均老師。 嘗試，說易行難，最緊要有「膽」。 好多時怕衰怕瘀怕錯怕痛，唔敢舉手答問題，唔敢講出心入面既諗法，唔敢行出第一步，其實白白浪費好多令自己成長嘅機會！ 當然，有d小朋友膽大包天，目中無人，自以為Iron Man上身，天不怕地不怕，有時明知死路一條，仲以為好威去試 …奉勸一句，三思而後行，雖然路係自己㨂，不過唔好令身邊既人擔心，係做人最簡單的責任。