【體路專訊】由「全城街馬」主辦的跑步盛事 ｢香港跑道節2016@中環夏誌」昨晚（19 日）進行了最瘋狂的「Happy Our 夜跑派對 — 啤走里」，一個結合啤酒及跑步的派對。
此活動參照外國Beer Mile 比賽，各跑手於起點接受DJ及樂隊的喝彩，起跑前先飲一杯330ml生啤，然後每跑400米再飲一杯，共做四遍，跑畢全程1.6km；完成後，跑手可以繼續投入音樂派對，共度歡樂時光，齊齊度過Happy Friday! 大會在沿途特設嘔吐區，預備給有需要的跑手，嘔完繼續跑，完成賽事即送你限量紀念Finisher Beer Mug！
參加者Andrew表示 :「 之前參加過類似結合飲酒的跑步活動，但第一次參加啤酒跑，所以約齊一班朋友邊跑邊飲，十分興奮！原來啤酒跑比紅酒跑更辛苦，更容易嘔! 」Andrew 十分支持「香港跑道節」，剛落機就參加「Happy OUR夜跑派對」，星期日還會參與中環街馬。
另一位參加者謝小姐表示：「我知道外國好多同類型活動，我同一班朋友都好支持，第一次參加，好興奮！希望大會會繼續舉辦。一邊飲酒一邊跑步，真係好有挑戰性。」她表示，平時都有練跑，飲完酒表現就差好多，幸好可以完成賽事。她更提示各位下次想參賽，緊記切勿飽肚跑。
資料來源：公關提供