【體路專欄】安全最重要！首先要揾個安全嘅場地，喺香港較少草地可以跑，大坑東遊樂場係個幾好嘅選擇，一圈大概750米，草地公眾開放，平時有人踢足球假日一家大細去玩耍，喺旁邊跑嘅時候要小心，避免意外發生。
另外，建議喺林路、越野路、草地進行中低強度訓練，或恢復性、調整性訓練，我一般會喺唔係重要訓練嘅日子去進行恢復慢跑鬆吓腳，高配速、高質量嘅訓練例如interval （間歇跑）、 tempo（配速跑）， 不建議喺依啲路面進行，因為地面凹凸不平同太軟，高速跑時腳腕容易不穩而拗親，故當進行要求較高嘅訓練時，喺田徑場和平路較理想。
最後，盡量避免夜跑，怕視線不清，萬一路面有凹陥位踩到容易受傷。
呢排疫情關係運動處所都須關閉，大家都要跑街，跑嘅時候要小心，注重個人衛生。
文：香港跑手屈旨盈