【體路專欄】上個禮拜最令人矚目既新聞，除左一億五千萬六合彩之外，應該就係 iphone 6開售，當大家係咁開住個電腦狂F5時，那邊廂一班 iphone 同 ipad用家已經施施然透過apple store個apps，成功預訂 iphone 6，據我自己觀察，十個透過電腦去官網bid既朋友，成功bid到既應該唔夠1個；而用apps去bid既，十個有三四個都bid到，難怪有人話蘋果今次係明益自己友。
世事就係咁，當大家以為「今次發喇」，可以發個黃金夢既時候，偏偏現實會同你講聲「訓啦 _ 頭」；就好似千呼萬喚又紛擾多時既港超聯正式上馬，大家都以為可以去大婆台睇波之際，突然臨開波前幾日，波總突然叫大家將部電視機，扭去良心台come on一齊亞洲亞洲咁，同樣令人拍案驚奇，有人話波總將第一屆港超聯播映權，咁大膽俾良心台播係攬炒格局，我就覺得，既然良心台能夠出人意表搶走播映權，背後一定做左唔少功夫；至少（我諗啦）我唔會個個禮拜都淨係睇港超big4戲碼，元朗對黃大仙呢類吸引力較細既比賽，我都可以有機會睇到。
早個禮拜，我地一班體記參加一年一度既黎新祥紀念盃，近期唔係缺席NIKE TRAINING CLUB，就係黎hea操既富足主都有參賽，咁其實大家聽到呢度，大家都會預計到結果係點，無錯，我地係輸多過贏，踢左三場輸兩場，好在呢個比賽戰果唔重要，如果唔係就真係唔知某人要點交代喇！
輸波係無癮既，不過當晚就有一件令人興奮既事，事緣我同阿秋、朱楓同紀恩幾位隊友happy hour之後去行街，去到一間體育用品店，見到我地夏體硬既波衫賣剩一件倉底貨，銷情相當理想，咁既情景雖則都係預期之內，不過都算係一件值得紀念既事，點都要影張相留念一番。
國足主