日期：11/6/2016
時間：6pm
地點：港灣道體育館
【體路專欄】仁濟排球隊：是近年甲一冒起得最快既球隊，近兩三年更是以「班霸殺手」既姿態位列甲一爭標份子， 但可惜的是，這班「勤力的肌肉男」過去2年均只差一步，與冠軍擦身而過！今年手持五勝，又叫糊了，且看能否力壓「寧龍」，令「仁濟」不讓「東華三院」專美！
龍隊：現階段手持4勝1負，上回合被宿敵南華擊敗，始乎喚醒了這班年青人的決心及奮鬥心，過往兩週接近十課練習，再加Gym，龍隊全職Mode啟動，今週決意做攔路虎吧！
焦點對碰：
「倒戈哥」竹神 vs 「肌肉型男」李嘉豪
同屬快攻位置，嘉豪是仁濟青訓球員，一直也是球隊中主力成員，但近年自竹神在仁濟出現，有著10cm以上的身高優勢下，加上相對年青，正選機會多落入竹神手中！一向鬥志旺盛的小伙子嘉豪 一直也在繼續努力與放棄排球之間中爭扎，幸而最後他選擇了繼續在排球場上放手一搏。正所謂機會是留俾有準備的人，竹神轉投龍隊，嘉豪再一次能以最佳狀態去証明自己！
至於竹神，加盟龍隊第一年，已獲隊友認同及支持，以一人一票方式當選隊長！他更以積極既訓練態度及良好既上場表現去報答隊友既支持及信任！今仗倒戈更會以最佳表現去証明一下自己！
183cm vs 197cm ：一個快；一個高。一個長；一個壯。一個打前攻；一個打後攻。一個多雙腳；一個多單腳！兩大特色快攻，讓球迷引頸以待！
焦點對碰2:
「冷面教頭」達教練 vs 「精神領袖」游Sir
筆者非常幸運，分別系理工大學及龍隊跟過兩位教練學師。兩位是風格截然不同的教練，達Sir比較是部署型教練，怎排陣怎針對怎打，賽前已與球員有一定溝通，比賽時非常冷靜，甚少有情緒反應，而且較少在比賽時作重大改變。「托腮掩咀」也成為達Sir指標性動作。
游Sir卻是感染型教練，一齊叫、一齊笑、一齊飛撲、一齊魚躍，有佢在，感覺打多幾個人咁，士氣都打高2班。另一方面，游Sir既即場變動亦是大膽進取的，試過「場中三Setter」；也試過用「173既隊長」換「196既易子」打中間加強攔網；更試過用筆者（主攻手位置）突然後排插上做三個位升球手！多數情況下均令球隊獲得正面效果！而飛身淸除所有障礙物去保護正在救波既隊員也成為其中一個經典動作！
兩位教練一冷一熱，一靜一動，各有千秋，且看今場「你個羅庚勁定系我神算醒」！
#仁濟進擊首座冠軍
#龍隊一缐生機頑抗
作者：豪仔
圖：Jason Mak、KingLaam Leung
資料來源：Volleymax