互聯網既發達，相信好多本地既球迷都有留意到今屆亞錦賽。
亦都相信好多本地球迷係台灣籃球既fans，毫無疑問中華台北今年成績係近10年內成績最好既一次，先後曾擊敗兩隊歷屆既強隊；分別係主隊菲律賓及中國。
台灣籃球既掘起其實也是合理，原因除了中華台北球隊本身為是次比賽作出充裕既準備提升球員既狀態外，最重要既係他們成功歸化一名黑人內線球員，填充返他們一直內線不足既問題，所以今屆成績有如此明顯突破；但其實反觀其他球隊，尤其中國也有自己既問題，中國男籃以往能於亞洲站穩陣腳，好大原因係因為有姚明，易建聯及王治郅這個完全支配籃底既組合，但今時今日姚明退役，王治面對年紀問題，只剩下較年輕既易建聯支撐大局，令到以往一直依賴內線既中國男籃的隱憂表面化，從而影響今屆成績。
球迷除了留意外隊，都希望你地都留意一下香港籃球代表隊既表現，因為比較亞洲區每個國家對籃球投放既資源，以香港今時今日僅有既資，能夠成功打入決賽週，已經是值得鼓勵；加上，在這次在菲律賓既表現，更贏得大家既尊重，因為香港男籃面對列強，如對主隊菲律賓及中華台北，曾一度領先半場，但最後因內線不足問題而被反超落敗，證明香港籃球於亞洲並不是下游分子，為香港籃球爭一口氣，能有此表現，已經係有所交代，值得贏得對手及各人尊重。
另外最值得一提既係當今香港首席中鋒-惠龍兒既表現，真心向他致敬，皆因縱使面對列強兇猛既防守，但Duncan於整係系列賽都有平穩既表現，經常做出Double-Double既數據，另外對巴林一戰中，更成功避開對方嚴防，成功做出一下大力鋤樽，贏得全場歡呼及掌聲，完完全全能夠表現出香港籃球-永不言敗既精神！