【體路專訊】南華翼鋒羅港威梅開二度，加上黎洛賢射入個人首個代表隊入球，協助香港B隊今日（8日）作客以3比0大破澳門，贏得第72屆港澳埠際賽冠軍，也是香港連續第5屆稱霸。
一年一度的港澳埠際賽輪到澳門主辦，香港派出的幾支代表隊都順利贏波。U18組賽事香港贏澳門3比0；U15更以11比0蹂躝東道主。今屆正本戲移師到面積較狹小的科大運動場舉行，港隊以清一式本土球員出戰，中場在陸志豪及陳俊樂帶動下，上半場發揮非常順暢，近況不俗的羅港威25分鐘把握對手解圍不遠，第一時間右腳抽射入網，為港隊打開紀錄；這位南華快翼52分鐘再接應林學曦傳送射破主隊大門，港隊領先至2比0。
82分鐘港隊再由兩名後備球員合作建功奠定勝局，許家樂右路傳中，黎洛賢第一時間射成3比0。完場前主隊一度攻破曾文輝十指關，但被球證判越位在先慘吃詐胡，港隊最終以不失球戰績封王，連續第5屆捧盃。
由於金判坤日前帶A隊作客柬埔寨，今次B隊就由助教廖俊輝負責佈陣，他很滿意球隊演出：「大家都發揮得好好，尤其上半場更佳，贏波關鍵就係比賽早段打開紀錄，領先之後就易踢得多。」一臉稚氣的黎洛賢今季曾為香港飛馬入球，但在代表隊取得士哥卻是第一次，綽號BB的他賽後說：「我踢青年代表隊咁耐都未試入過波，首次踢成人隊就有波入，可以算係個完美開始，要多謝於球會畀我有出場機會，增強咗自己信心，未來我會以躋身大港腳為目標。」
此外，多位「邊緣」港腳今日都有好表現，包括梅開二度的羅港威，以及東方龍獅右閘曾錦濤等，昨日返港今日趕及到場觀戰的金判坤亦心中有數，他表示東亞盃大軍名單已有腹稿：「我哋已經向東亞盃提交30人名單，賽會最後會刪剩20人，但我希望可以加到22、23人，畀多啲機會球員吸收大賽經驗。」港隊周二會再同新加坡拍跳，為東亞盃作最後檢閱。
圖／文：文森特