司職二傳，「世界大學生運動會」人地一聽到就會話~「嘩！好勁！！喺邊到？?俄羅斯？咁正既~有排玩啦！」我出發前聽到唔少呢啲說話……但其實參加呢次運動會既心情又點止這些呢？
喺出發之前有部分世大隊成員因為要去代表香港成年隊去台灣參加排球世錦賽外圍賽而無去授旗禮，但其他球員去完授旗禮之後壓力大增！！因為團長在當日表示如果男排再無突破下屆就唔出隊……就係因為咁，我地就定左目標喺小組賽，點都要贏返一兩場！做出成績。
我作為隊中既二傳手，每一球波都會經我手，責任實在重大，但我喺呢一次比賽入面頭兩場出場機會唔多~自己未算太投入…有時候仲埋怨自己，不過隊友都好支持我，令到我喺之後既比賽振作返！！對美國、愛沙尼亞、中國等都有唔錯既表現！
到最後雖然係輸唔少場，總名次只得18名……我地好唔甘心，因為我地覺得大家有疲態，令自己唔能夠發揮水準，否則應該可以贏中國！！！
（P.S. 球場以外既野：我覺得天氣好乾燥，令我成日流鼻血，天氣都唔多唔少影響到球員既表現。還有，Canteen的食物真的非常單調！）