【體路專訊】香港女子壁球小將雷曉琳及陳善鈺，雖在英國青少年壁球公開賽兩個組別四強落敗，無緣決賽，但隨後雙雙於季軍戰報捷，攜手勇奪銅牌，這亦是港隊在此項享負盛名的賽事近10年所獲最佳成績。
陳善鈺於女子15歲以下準決賽以2：3（6：11、11：4、12：14、11：8、10：12）僅負埃及對手Nour Abouelmakrim，幸在季軍戰以3：1力克馬來西亞的Jessica Keng，保住銅牌，她賽後表示：「好開心第一次參加呢個比賽就可以攞到第3，多謝教練，令我攞到唔錯嘅成績，但係Semi final嗰場可以打好啲，輸咗之後我有啲後悔，因為我明明可以贏到，但係就把握唔到呢個入final嘅機會。我同季軍戰對手第4次交手，之前3次都輸，所以今之贏咗之好開心。希望下次再有機會參加British Open，可以得到一個自己一啲後悔都無嘅結果。」
女子17歲以下組方面，現屆香港青少年女子冠軍雷曉琳四強以1：3（11：8、9：11、7：11、8：11）向埃及Hana Motaz Ayoub稱臣，銅牌戰面對Habbiba.H.Saadallah，兩度領先被兩度扳平，但決勝局頂住壓力，最終以3：2（11：4、11：3、7：11、6：11、11：8）奏凱名列季席。「呢個比賽好難打，之前3年我最好都只係入到八強，今年可以突破打入四強真係好開心，呢個獎令我明白努力係唔會白費，所以我以後會更加努力去練習。」雷曉琳說。
資料來源：香港壁球總會