【體路專訊】香港U22足球代表隊周三（28日）在緬甸仰光舉行的KBZ銀行盃2017揭幕戰中出師不利，以0：2不敵畀日本世界大學生運動會U20。
日本世界大學運動會U20甫開賽即製造不少，12分鐘獲一次罰球機會，門前補中射入網，20分鐘對方球員接應隊友在禁區交出靚直線再扭過香港U22後衛後起腳射入，領先至2：0。上半場中段開始落大雨，對雙方發揮都有影響，節奏明顯減慢。40分鐘日本世界大學運動會U20有次單刀機會不過再被袁皓俊撲出。41分鐘，香港U22在禁區頂被對手推跌搏到罰球，姚浩明主射省到人牆。
易邊後香港U22極力反撃，埋門次數增多，當中鄭兆均入替後都能夠爭取攻門機會，不過射門未能對對手構成太大威脅，最終以0：2告負。以隊長身份領軍上陣的香港U22後衛劉學銘賽後指出，球隊在上半場早段接連失兩球，其實全因大意及犯錯所致。港隊周五（30日）晚將硬撼東道主緬甸U22，劉學銘明言不容有失，所以一眾隊友都會「搏晒命」。
資料來源：香港超級聯賽fb