【體路專訊】Marco，Happy Birthday！香港桌球「Wonder爸」傅家俊（Marco）今日（8日）踏入「男人40」，他概嘆時光飛逝的同時，也感恩自己擁有幸福的人生，只是談到生日願望，卻非甚麼贏大賽冠軍，或提升世界排名，Marco反而拋下一句：「打少啲比賽！」
「咁就40歲！咁就返咗香港22年！」傅家俊自上月蘇格蘭公開賽後回港一直陪伴家人，日前更與妻女、父母一家六口到台灣旅行繼續「叉電」，今日在港歡度40歲生辰，有家人在身邊倍覺溫暖：「記得10年前由2字頭踏入3字頭，感覺好失落，現在由3字頭踏入4字頭，雖然還是有些少困惑，但情況已經好了很多，始終有個家，不再孤單。」不過正因「女細老婆嫩」， Marco坦承今年生日心情特別矛盾：「一方面好想盡責任努力工作照顧佢哋，但又想打少啲比賽，盡量多留香港陪伴佢哋，真係矛盾，哈哈哈…..」
人在江湖，「打少啲比賽」的生日願望看來暫時未能實現，事關傅家俊周五（12日）又要飛返英國「開工」，出戰桌壇三大賽事之一的大師賽，更在首圈即遇衛冕冠軍「火箭」奧蘇利雲，賽事於1月16日香港時間晚上9時上演，採11局6勝制，這亦是Marco 2018年第一戰，可望敲響勝鼓。
圖、文：黃穎釧