【體路專訊】世界「一姐」港產「Cue后」吳安儀在在2018年世界桌球錦標賽外圍賽面對世界排名57位的英格蘭好手沙特（Matthew Selt），力戰下以1：10告負，連續3年首圈出局。
應屆世界女子冠軍吳安儀昨日經過第一節頭9局比拚，以1：8（6：102、37：49、1：89、0：72、0：81、49：68、1：57、34：72、80：1）落後。雙方今日（12日）凌晨續戰，沙特速戰速決，最終「四眼妹」再輸兩局19：91、0：87，總比賽以1：10敗走，無緣晉級。
第三次打世錦賽名圍賽對Matthew Selt…
吳安儀賽後在個人社交網寫下感言，重申自己「唔怕輸」，最重要是從失敗中學習：「第三次打世錦賽外圍賽對Matthew Selt 輸1：10，雖然連續三年都係攞得一鋪，但我真係覺得自己一年打得好過一年，面對住世界排名57，或者任何一位，我輸0：10係絕對唔出奇。我深深感受到佢哋cue法嘅熟練程度，亦都睇到佢點樣去拆解每局波。我相信只要我可以同佢哋打多啲，我一定會繼續進步 ，距離係遠，目標係難，但總要盡力試試！可能有人唔明白點解我要去打，去輸。正如我最初學打桌球，我成日都輸。我相信要進步，就要同多啲高手打比賽冠軍、贏 或 輸，都只係一個結果，但經驗同知識係會一直陪伴我去行桌球路。」
資料來源：World Snooker