上次講過”渣打香港馬拉松2014熱身小貼士”
今次就講下服裝小貼士喇~
渣打香港馬拉松服裝小貼士：
2月份雖然天氣仍然寒冷，我地係服飾上都唔可以馬虎嘅，除咗熱身時該穿多啲外套外，比賽時大家盡量穿得輕鬆一啲，以減輕身體負荷同方便呼吸。
一般我地建議著一啲專業嘅長跑短褲或者長褲，因為專業嘅運動服裝係寬鬆度、透氣性、減少對皮膚摩擦性等方面都比較人性化，可以好好地帶比跑步者舒適感。
係裝備方面，雖然馬拉松賽事沿途有水站，但總係人頭湧湧，大家或可以試吓帶有放水樽嘅腰帶、運動眼鏡等，係長時間跑步嘅過程中，我地需要經常補充水份，令到我地有更好嘅耐力、延長運動時間，而香港人經常忽視嘅就係運動眼鏡，因為馬拉松運動主要係戶外進行，運動眼鏡可以更好地避免強光的照射、減少眼部及神經疲勞感等。
至於休息方面，係進行馬拉松運動前要保證有充足嘅睡眠，可以更好提升運動表現力，發揮得更好，比賽之後都要有充足嘅睡眠，令到我地各方面嘅機能加速恢復、減少體力消耗過多而引起免疫力下降嘅情況。
另外係我嘅朋友仔嘅經驗中得出，佢地建議不論天氣話如果係雨天嘅話，佢地一般都會用那些”黑色垃圾袋”穿上身上擋雨，當雨水停下就交比附近嘅工作人員。
o拿o拿o拿~~16-02-2014渣打香港馬拉松就嚟㗎喇，你地準備好未呢~加油!!
想知更多體適能資訊可到我的Facebook Page “高級私人教練 Jerry Liu”，多謝支持!!