Red Bull Flugtag飛行日事隔四年再「訪港」

事隔近四年嘅漫長等待後，「Red Bull Flugtag飛行日」再次於香港舉行，活動將於2014年5月11日（星期日）隆重舉行！Red Bull歡迎各位自問創意無限，又想挑戰地心吸力、感受飛行嘅樂趣&刺激感嘅夢想家參加 ！

Flugtag為德文的飛行日－目標是不斷挑戰人力推動飛行嘅極限。除咗挑戰地心吸力、追求最長飛行時間，每隊將會按照三個準則評分: 創意、起飛前表演同埋飛行距離。自從1992年奧地利維也納舉辦第一個飛行日以來，在全球各地已經舉行過一百個Red Bull Flugtag，最多單次活動吸引超過30萬觀眾！

活動要求參賽者用自製飛行器從6米高嘅平台跳下水，所有跳海參加者必須著上由主辦單位提供嘅漂浮器同埋頭盔。所有服裝及道具嘅設計應避免會妨礙到飛行員視線、呼吸同埋漂浮能力。

「Red Bull Flugtag飛行日 2014」現已公開接受報名，報名及更多詳請可以瀏覽 redbullflugtag.hk/。