最近香港都好流行講夢想，但其實夢想係Ｄ乜野？簡單Ｄ講，夢想算係目標既一種，並且係最遠、最遙不可及果隻。
永遠聽Ｄ人講夢想，通常講緊都係一Ｄ好難先做得到既野，
例如話要做一個律師、要買架遊艇、或者要去巴拿馬曬下太陽。
我細細個果陣既夢想，就係要做一個摔角手啦。
Ｅ家一步一步咁樣達到以前既夢想，
好多朋友都同我講我咁既生活其實好幸福，
可以做一Ｄ自己想做既野。
但事實係，2012 年終於踏上東京後樂園比賽，算係達成左呢個夢想，
就係因為達成左咁多年既目標，你會發覺個人好似冇左目標咁樣，
得返一個虛殼。
呢個時候壓力就開始黎啦，想做既事已經做晒，
又未諗到新目標既時候，個人其實會開始懶散起黎。
果陣時既我真係唔知想做Ｄ咩，所以最後決定重覆一次我做過既野，
就係再去多一次歐洲比賽，睇下自己可以去到邊。
2013 年再去多次歐洲，其實先發現自己可以走更遠，
當夢想達成左之後，原來就係想挑戰自己既能力。
所以，今年夏天會再去一次日本，
睇下仲有冇乜野潛能可以爆一爆出黎。
最後想講既係，唔好當你既夢想係發夢果陣先做得到，
夢想係目標既一種，一定要有 PLANNING，
用循序漸進既方式，終有一日大家都可以活在自己想活的世界。
圖片兩張:
1) 2013 年英國比賽照片
2) 今年夏天到中國參加首屆摔角大賽前電視訪問