【體路專欄】新年快樂，祝各位讀者萬事如意，最重要身體健康；運動員們，一定要遠離傷病！新一年我將會透過《體路》專欄同各位分享及交流不同足球資訊，第一集將會講講今季喺英超獨領群雄，不斷打破新紀錄嘅⋯⋯利！物！浦！
防守夠穩健，贏波會秤先
利物浦上場2：1擊敗狼隊後，成為英格蘭聯賽史上第5支球隊保持聯賽至少40場不敗，現時23戰得67分高踞榜首，此分數為歐洲五大聯賽史上最佳成績。球隊本季合共9場比賽保持清白之身，後防眾將功不可沒，門將阿里遜整體演出比上季更加成熟，不論迎接邊路傳中球及單對單撲救等穩如泰山，早前快開生球俾沙拿入波，充分展示佢閱讀球賽能力及技術全面。至於中堅雲迪克依舊一夫當關，比賽中經常長傳轉換方向，加快球隊進攻節奏及侵略性，而強橫對抗性、靈活及具備速度係佢最大本錢。
左右二閘長踢足 助攻助守無退縮
如果講到紅軍後防，怎可不提左右二閘阿歷山大阿奴及羅拔臣，兩人由上季開始大放異彩，前者自出道後有2季交出10個助攻或以上，繼法比加斯後成為史上第2位青年球員（21歲或以下）寫下此紀錄。進攻時兩人積極上前助攻（參考圖三），此舉動成功壓制敵方兩翼回防，除了令自己球隊進攻時做到「大軍壓境」外，大大降低敵人進行快速反擊機會及侵略性。值得留意是，中場佐敦軒達臣或法賓奴等人會留守中後場，幫手Cover兩人進攻時所遺留的防守空間，讓「奴臣」踢法極具侵略性，加上多變走位內切或後上（參考圖四、五），令敵人難以防範。
圖四：後上助攻並不單單走外線Over-Lap，內切是另一選擇（Source: 梁冠聰@NowSports）
圖五：羅拔臣內切內南野拓實可利用其製造的邊線空間（Source: 梁冠聰@NowSports）
利物浦今季近乎每場比賽都能夠成功「鎮壓」對手，後防球員大部分時可輕鬆對敵方進攻球員，全因中前場球員毫不吝嗇氣力協助防務工作，究竟他們做了什麼功夫？記得留意下一回！