【體路專訊】「 輸，而接受，才能夠成長。」東京奧運銅牌得主、香港空手道「一姐」劉慕裳（Grace）上周六（20）於杜拜舉行的世界錦標賽女子個人形項目奪季，連續兩屆摘下銅牌。興奮過後，她今日（22日）在個人facebook專頁發文分享得獎心情，訴說走出低潮再登高峰的心路歷程，「感謝上天安排俾我嘅一切經歷，令我長大，成就今日嘅我。」
第6次征戰世界錦標賽，也是劉慕裳東奧後第一擊，結果Grace不負眾望，再登頒獎台。她在文中指出， 2018年贏得香港歷來第一面空手道世錦賽獎牌後不久就遇上低潮：「2019年1月1日，比賽改做小組計分制，經歷咗我人生一個好大嘅低潮。從2018年年頭開始，每一站比賽都有獎牌落袋直到年尾，到2019年12個比賽中，只得4面獎牌，更經歷過喺幾站超級聯賽跌至11名／13名。雖然好迷惘，捉摸唔到新制度嘅評分標準，但令我更加珍惜每一面獎牌，因為每一面獎牌都係話緊俾我聽『I’m coming back』。」
劉慕裳明白要在技術上求變才可穩定排名，因此2019年接觸不同新技術，追求更高層次的過程中面對不少困難，不知哭過多少個晚上。情況在2020年初終有好轉，參加3項賽事兩奪獎牌，雖然後來因疫情休季一整年，但亦可趁機會調整及反省過往失敗的原因，然後專心作出改正。
直至2021年，Grace迎來豐收的一載，先於「一生一次」的東京奧運勇奪銅牌，再於世錦賽添銅。「個人連續第二面世錦獎牌，感覺同上屆好唔同，一樣嘅係都係好開心，唔同嘅係，我比以往更清晰了解知道自己做緊咩，嗰種喜悅並不是來自驚喜，而係來自一種證實我同教練團隊一直嘅付出同所有訓練嘅鋪排是正確而感到高興。」
盡心盡力做好自己，老天自有安排。劉慕裳直言：「好感謝上天安排俾我嘅一切經歷，令我長大，成就咗今日嘅我。『輸，而接受，才能夠成長。』Grace將於兩個多星期後出發參加今年最後一項賽事－亞洲錦標賽，再爭佳績。