【體路專訊】「香港世界桌球大師賽2022」周日晚落幕，香港球手傅家俊最終在8,000球迷見證下4：6不敵奧蘇利雲奪得亞軍，這位「Wonder爸」周一（10日）再於社交媒體分享整項賽事感受，指今次為自己歷來最難忘的比賽，創造歷史、在太太及兩女兒面前比賽等每一幕畫面如「發緊夢一樣」！
傅家俊（Marco）繼2017年後再次在主場球迷面前獻技，8強先以5：2擊敗世界排名第4位的沙比，賽後坦承「冇諗過可以贏波」，自言過去5年間從生涯高峰到後來經歷眼疾及疫情等影響表現及成績，導致信心下滑，甚至有感「不再屬於職業圈子」，故勝仗意義重大。港將隨後4強再有好表現，決勝局打出生涯第5次滿分147度，以局數6：5反勝世界排名第5位的希堅斯晉級決賽，最終周日在8,000主場球迷見證下，以4：6不敵奧蘇利雲奪得亞軍。
賽事落幕翌日，Marco再於個人社交媒體分享今次賽事的感受，直言為歷來最難忘：「呢個比賽實在太好玩啦，亦都應該係我咁年打過最難忘嘅比賽！」提到從賽前一日教導海外球手0+3及安心出行等防疫措施，確保「佢哋呢幾日喺香港唔好犯法之餘，亦都可以玩得開心安心又放心」，到正式比賽擊敗沙比、希堅斯並打出147，再在主場觀眾前與奧蘇合演「夢幻對決」，破紀錄成為最多現場觀眾的桌球比賽，且於太太及兩女兒面前比賽，讓她們留下美好回憶，Marco形容指：「一幕一幕嘅畫面都好似發緊夢一樣！」
Marco續指今次賽事是香港疫情後首項大型國際體壇盛事，「期間香港防疫政策不停改變，我哋面對咗好多大家難以想像嘅困難」，他特此向主辦賽事的香港桌球總會致謝：「衷心感謝香港桌球總會上上下下所有幕後功臣嘅努力，先可以將問題一一解決，最終成功舉辦今次賽事！」
Marco亦冀今次比賽能激勵香港市民：「呢幾年大家嘅生活都過得唔容易， 希望所有香港市民都會喜歡呢一份我哋桌球界送比大家嘅禮物！」同時向一眾球迷致謝：「想多謝尋晚喺紅館咁多位球迷同埋喺電視機旁邊嘅每一位觀眾陪伴我度過一個難忘愉快嘅晚上！能夠喺香港球迷面前比賽係我嘅畢生榮耀，亦希望今次我嘅表現冇令大家失望！希望喺不久嘅將來可以再一次係香港比賽同大家見面！」Marco最後再次恭賀奧蘇利雲奪冠，大讚對方為史上最強，並感謝球迷的支持，「呢幾日收到好多留言，雖然未能一一回覆，但全部睇哂！Love you all ❤️」
相關報道：
傅家俊讚「火箭」級數如費達拿美斯 奧蘇冀「明年再見」
傅家俊主場4：6惜負奧蘇 逾8000人觀戰創歷史
傅家俊今晚大戰奧蘇爭冠！睇「夢幻對決」前重溫三大經典戰役（有片）
連贏5局反勝羅拔臣 奧蘇明晚決戰傅家俊
主場轟147成難忘經歷 傅家俊：開心能為觀眾做啲嘢！
決勝局轟147！ 傅家俊驚天逆轉勝希堅斯闖決賽
5年前後歷盡高山低谷 傅家俊嘆勝利意義重大
揭幕戰勇挫沙比 傅家俊主場晉級四強