由英國劍橋返到黎香港已經有一星期啦！:)
雖然總教練已經批准我地休息幾日…但總忙過不停…，
要追返同學們既進度，要加操我停左一星期既體能訓練…等等。
真係令我好懷念在英國休閒既生活！
英國既大街上，有矮矮既建築物，有寬闊既行人路，仲有一大遍既藍天白雲。
有一日，我經過見到一個公園，有個鞦韆架 😛 即刻衝上前玩～
盪下盪下～被風吹住～好自由～好舒服！所有煩惱都冇晒！
喺香港，我好耐都無見過鞦韆架……:(
返酒店既時侯，我仲見到有隻鴨仔係街上行，然後走到河邊跳河。lol
喺酒店，每日都可以係窗外睇到兔仔在食草，松鼠在樹上爬。
每日黃昏訓練完，又可以在酒店房休息、敷面膜、睇電視…真係覺得好寫意！
喺香港，整盒面膜買左一個月都未必用到一塊，電視更加好少時間睇，係香港
個鐘行得特別快？定係英國每日有25小時？