【體路專題】仲有個多月就踏入欖球季節，各位讀者準備睇Rugby Sevens（香港七人欖球賽）的同時，當然要提早做足功課啦！上周 #RugbyFriday 同大家介紹了最早欖球由豬膀肛製造，今星期就同大家分享一吓，點解欖球波衫波褲咁短、咁窄同咁緊身啦！
眾所周知，欖球比賽最吸引之處，就在比賽過程中，防守一方可抱截（Tackle）攻方持球員以阻止其進攻，雖然抱截方式和位置均有所限制，以避免選手受傷，不過亦因為抱截呢種方式，所以近年欖球波衫及波褲均設計得非常緊身，主要減少衫的長度，限制對手抱截的機會。
不過，早期的欖球波衫以棉製造，但由於棉製波衫會惡劣天氣下，令球衣吸收很多汗水、泥漿等，令一套棉製球衣重大約6至8磅，增加了球員負擔。所以近年欖球波衫擺脫了昔日大大件棉製款式，2007年開始，威爾斯欖球隊便帶頭穿上新款球波衫，改以聚酯纖維等其他物料製造，令球員進攻時波衫比棉衣更滑手，而且緊身設計更難令防守球手取得「把手」！
當然，緊身設計近年成為欖球員的賣點，網上就有唔少網民大讚欖球波衫，因為唔少人異口同聲話欖球波衫令欖球員「弗爆」身型更突出，更吸引女性觀眾入場。各位鍾意睇欖球的朋友，大家認唔認同呢個係原因之一呢？
圖：網上圖片