【體路專題】Red Bull King of the Rock街頭味道十足，此項街頭籃球盛事將於週日（26日）展開公開資格賽，賽事吸引216位籃球好手參與，力求代表香港出戰土耳其的總決賽席位！不過但King of the Rock究竟係點樣非一般籃球比賽？開賽前，七大不同你要知！
1)只有1-on-1
平日五人籃球或三人籃球大家打得多，Red Bull King of the Rock就係反傳統的1-on-1賽事，無傳球、無單擋，個人突破能力要好之餘，防守能力亦係贏輸關鍵，而且不論你係中鋒或後衛都有機會於場上對決，Red Bull King of the Rock考驗大家的全面技術！
2) 比人大炒就出局！
平日街場打開7分定11分？King of the Rock呢項街頭籃球賽會以兩分球與三分球賽制進行，比賽全場5分鐘不停錶，不過若比賽中有一方取得11比0的領先，則提前結束比賽，落後者就要即時出局(13比2則無需提前結束），所以掌握比賽節奏非常重要！
3)首個女子 1 on 1 Queen of the Rock
坊間唔少比賽都只有男子賽事，但上屆上演Red Bull Queen of the Rock後大受好評，不少女將都有大顯身手的機會，當中上屆香港區代表卓婷最終奪得全球總亞軍，所以就算男女混合比賽，你都未必贏到卓婷！
4) 打波兼交流文化？
Red Bull King Of The Rock除了本地籃球員大家同場切磋外，香港區總冠軍更可以到土耳其出戰全球總決賽，與32位來自21個國家的世界級球手交手。2010年，Red Bull在被荒廢了超過50年的美國舊金山惡魔島(The Rock)，集合了64位西岸的籃球好手，舉辦了首屆一對一籃球比賽「Red Bull King of Rock」。第2屆起這項比賽更成為全球性賽事，吸引了從世界各地而來的籃球好手互相競技，賽事水平和選手的爭勝心每年遞增。今屆Red Bull King of Rock World Final將於土耳其舉行，除了一場球技切磋，與外國勁人對壘外，亦係一場屬於全球籃球人的文化交流！
5) 非一般場地 赤柱航海學校vs 室內籃球場
每年King Of The Rock舉辦賽事地點都非常講究，今年香港總決賽就會於赤柱航海學校上演。赤柱航海學校亦係香港滑浪風帆代表的訓練基地，在呢座擁有近70年歷史的學校內比賽，同以往室內場比賽嘆冷氣比賽自然唔同，因為今次會係吹住海風打波，更有街頭風味！
6) 體能係致勝關鍵！
要贏得King Of The Rock香港區總冠軍，除了識贏波外，仲要係連贏六場！今年King Of The Rock就舉辦了7月26日及8月1日的公開資格賽，吸引192位球手由資格賽打起，力爭出戰8月15日於赤柱航海學校的香港區決賽席位，所以要於眾多強手之中突圍而出，無體能點樣應付呢？
7) Wings Team 為你打氣！
籃球場上又點少得女仔嘅尖叫聲? Red Bull Wings Teams除了會不時送對翼比你之外, 重會全程支持每個球員! 為大家的一個轉身, 一次投籃而吶喊歡呼！
Red Bull King of the Rock詳情
沙田公開資格賽
| 日期： | 2015年7月26日（星期日） |
| 地點： | 基督教國際學校室外籃球場 – 公眾免費入場 |
| 比賽時間： | 中午12時至晚上六時 |
| 名額： | 96名 |
油麻地公開資格賽
| 日期： | 2015年8月1日（星期六） |
| 地點： | YMCA青年會京士柏百週年紀念中心室內籃球場 公眾免費入場 |
| 比賽時間： | 中午12時至晚上六時 |
| 名額： | 96名 |
Red Bull King of the Rock / Queen of the Rock 港澳區總決賽
| 日期： | 2015年8月15日（星期六） |
| 地點： | 赤柱航海學校 – 公眾免費入場 |
| 比賽時間： | 中午12時至晚上八時 |
更多詳情請參閱： www.redbull.hk/kingoftherock
原文刊於Red Bull