【體路資訊】全城瀡瀡瀡，你瀡左未？不過「Slide the City」瀡一次最低消費要$150，都唔真正算大眾化玩意！但喺愉景灣既巨型充氣滑梯終於面世之後，大家就真係可以免費瀡瀡瀡嘞！
呢個高11米，長56米的充氣滑梯設於大白灣沙灘上。由7月15日開始，沙灘上更有救生員駐守，亦有免費提供嘅太陽遮同沙灘椅俾公眾使用，諗住去沙灘曬太陽玩一日絕對無問題！
滑梯幾時有得玩？8月1日至30日，上午11點至下午6點，就會開始免費開放俾公眾任玩。點樣有得玩？只要讚好香港愉景灣 Facebook 專頁，而身高達130cm 或以上，就可以排隊玩啦！參加大會既有奬遊戲，仲有機會於7月26日優先試玩充氣滑梯，加埋免費由中環往愉景灣嘅雙人船飛添！有興趣朋友記得留意嘞！
資料來源：香港愉景灣 Visit Discovery Bay專頁