【體路專訊】香港壁球「一哥」李浩賢於PSA 公布10月最新世界排名上躍升至個人新高，由世界排名18位升至第13位。這位剛於暑假榮升爸爸的港將，直言女兒出世後，令他心理壓力大減，特別鳴謝太太對他的支持。
去年9月首位港將躋身男子壁球世界排名20位後，Max今年愈戰愈勇，特別下半年不少大賽均獲佳績，除包括於中國公開賽擊退「一哥」Mohamed El Elshorbagy外，更於上月贏得澳門公開賽冠軍。其最新世界排名由第18位跳升至第13位，是他個人世界排名新高。
Max直言未曾想過今年世界排名會躍升至頭16名：「感受最多都係贏左比賽，至於排名當然開心，因為可以去到自己無諗過可以去到嘅排名。其實我真係無諗過可以今年過頭16，因為年頭受傷，到暑假前表現平平，亞洲賽又八強落敗，一直都有諗係咪自己已經去到盡頭，無得再上。但係八月好似奇蹟咁俾我贏到。不過喺呢個暑假真係好多謝教練簡化謙，以及幫助我訓練的David 同Chris。因為暑假這三個月，佢哋幫我解決我體能同技術嘅問題。當然心裡嗰句真係好多謝我老婆帶俾我一個健康嘅BB，令我減少好多心理壓力。」
Max即將會出發到美國費城，聯同歐詠芝及陳浩鈴出戰美國公開賽。他表示希望今年餘下四個賽事做到最好，力爭世界頭十的排名。
至於女子世界排名方面未有太大變動，歐詠芝列第10名，陳浩鈴位列30名。
文：徐飛