明知大學

【體路專欄】南華籃球隊上星期於銀牌決賽，憑著隊長惠龍兒及羅意庭合轟50分下，成功擊倒永倫衛冕。但短暫歡呼過後，南華球員又要再次「歸位」，繼續為甲一聯賽再搏過。然而，搏命嘅除咗有香港嘅南華球員外，各位又記唔記得佢哋仲有一位正身處韓國、追尋緊職業籃球夢嘅香港球員呢？冇錯，佢係周健宏，人稱「肥宏」，正為10月嘅KBL選秀而努力。為咗讓讀者了解下「肥宏」嘅最新狀況，今次小記決定遠赴韓國，去探訪呢位追夢港男。