【體路專欄】為何有些人在十字韌帶手術後那麼快就可以復出？隨著醫學科技的發展，十字韌帶重建手術以及復康治療比十多年前已有很大進步，而重回場上依然是運動醫學裡不停演變的一個重要課題。
運動受傷
出走的菠蘿蓋
【體路專欄】雖然我好少睇網球賽事，但近排嘅溫布頓事件令我都立刻睇一睇。女雙世界排名第一嘅馬迪姬辛絲（Bethanie Mattek-Sands）喺急張嘅對局中，突然抱膝倒地，一段時間之後終於畀工作人員抬咗出場。從鏡頭入面可以見到，佢個菠蘿蓋—髕骨（Patella）已經十分「跳脫」地跳咗上上面，事後亦確認，佢嘅髕骨韌帶（Patellar Tendon）已經斷咗，佢自己喺Instagram 上表示會接受手術。 我完全係打著冷震睇完段片，因為： 我真係好驚見到啲「變形」或者「甩骹」嘅畫面（諗吓都覺得核突） 呢個情況真係好少好少好少見，仲要拍埋片（所以死都要睇一睇） 踼腳都有系統— Extensor Mechanism 對於我哋運動以至日常生活，「菠蘿蓋」都有好重要嘅責任。若果我哋要踼直隻腳，就一定要靠佢！佢連同大脾肌肉（Quadriceps) 、大脾筋（Quadriceps Tendon)、「菠蘿蓋筋」（Patellar Tendon）形成一個叫「Extensor Mechanism」嘅力學，令到我哋可以兩腳一伸。 曾經有啲解剖實驗指出（好耐嘅嘢，呢度唔講），如果冇咗「菠蘿蓋」，人類嘅膝頭係伸唔直（或者要好嗱大力）。而由於大脾肌肉要傳遞好大量嘅力（體重嘅17.5倍），所以另外嘅三個結構都有機會受傷。…