今次又係講吓「上交叉綜合症」要鍛煉嘅肌肉喇，今次呢….應該係講到可以幫我地強化返中下斜方肌嘅划船喇，再配合埋胸肌嘅伸展，對改善圓肩（寒背）好有幫助架~
坐姿划船
目標肌肉：背闊肌、中下斜方肌、菱形肌、三角肌後束、肱二頭肌
動作過程：
坐喺座椅上，雙腳踏住踏板，雙手放鬆伸直握住把手，記得唔好將手肘鎖實呀，腰背要挺直，雙肩放鬆、吸氣，將把手拉向自己胸前並呼氣，直至肘關節到90度左右便可（完成位置如圖2），停頓約1秒後返回開始位置，重複動作。
之前講過嘅伸展記住做呀！
敬請留意我喺Sportsroad嘅Blog或者我嘅Facebook Page “高級私人教練 Jerry Liu“，多謝支持!!