大家有無係公園見過有啲人攞住一抽黑黃色嘅野綁喺橫樑上面做training呢？
果抽野其實係叫“TRX”
TRX – 全身阻力訓練
Total body Resistance eXercise
TRX呢三個英文字母相信對有運動的你唔會陌生吧！
佢係” Total body Resistance eXercise”嘅縮寫，TRX最初係因應美國海豹突擊隊嘅需要，等佢地係狹隘嘅環境中都可以方便、有效咁繼續鍛練身體，保持強壯體魄而設計嘅一種訓練系統。
TRX幾經改良後，近年更走進各大健身室，健身界喜歡稱TRX為”懸掛訓練系統”，並吸引了不少健身教練、運動員、物理治療師、藝人同名人等使用。
TRX可以幫助訓練者利用各種動作作全身訓練，包括提高肌力、肌耐力、身體柔韌性、協調性、身體核心穩定性等。TRX嘅訓練動作大約有四百多種，它利用自身體重(body weight)作阻力，由不同肌肉互相協調進行鍛鍊。
之前係youtube睇過一啲介紹TRX嘅短片，它除了”型”之外，仲可以做到好全面嘅訓練，講咗咁耐心動不如行動，我已經係11月上咗堂成為Certificated TRX Trainer 喇。
講返喺training果日，7點幾已經食緊早餐準備去上堂……
TRX比我想像中難，上晝有一part係連續做唔同嘅exercise約13分鐘，無停過，到lunch time我就腳仔軟晒咁去食飯….正確嚟講係腳仔軟晒咁坐係碟飯前面食唔落XD，打後兩日我仲要用手嚟扶住上落樓梯呢！！值得推介！！
想知更多體適能資訊好到我的Facebook Page “高級私人教練 Jerry Liu“，多謝支持！！