【體路專欄】近期球圈有兩位人兄搵到機會外流，分別係岩岩下山既少林寺教頭春哥，另一位就係北上中甲搵人仔既「小志強」方柏倫，夏體硬係度祝兩位前程似錦。
我國足主份人雖然盲塞，但我不嬲都好主張陣中既球員外流汲取下經驗，或者得閒時去其他友會踢下友誼賽增廣見聞，好似包括正謙在內，陣中幾位隊友，前排就跟贊助商NIKE隊波去踢場友賽，對手據聞係一支黎自日本既學生球隊。
眾所_知，日本既學生球隊都唔係講得笑，分分鐘搵隊老甲下游波都未必贏到，我地幾位隊友雖然係記協盃踢到曉飛，但一去到呢個level就難免嗌晒救命，最終戰果就無謂深究了，抱住學習心態自我感覺良好一番就ok啦。
上場記協盃大勝ATV，雖則我唔情願但見一世人兩足主，咪比富足主落場威下囉，果場波由於我調動得宜最終贏得精彩，我都唔介意比佢叨下光，點知人心不足蛇吞象，佢仲要係上期專欄話係自己功勞，人老左果然係心態離地，就好似+誠哥近期話香港係被寵壞既孩子咁，同社會現況以及年青一輩拉到天同地咁遠。
好似前幾日紅魔鬼個菲臘仔黎香港，佢又提議我話不如好似少林寺咁，叫佢黎客串一兩場賺下人氣，我睬佢都有味，君不見畢特同基士文兩大例子，係賺到人氣呀，弊在聯賽搞得唔好，你keep唔到咪一樣嘥氣，睇下少林寺上場亞協盃入場人數，前車可鑑呀！
國足主
