今次於韓國仁川舉行既東亞男子籃球錦標賽預賽，我們總算以預期目標歸來，以第 4 名獲得正式既入場資格，總算達到預期目標，真係可喜可賀！
今次帶返黎香港既除左張入場券外，另外仲帶左一 D 新思維返黎，喺其他外隊身上面真係睇到好多野，唔單止技術，仲有好多周邊既配套，已經好值得我地好好咁學習。
先講技術，望勻晒咁多隊，我眼見既只有台灣及主隊韓國同我地體型最接近，但點解對方能夠於東亞區既籃球場上站穩陣腳，而香港就做唔到？以我自己個人少少分析，首先台灣一向是以個人技術及力量為主，大部份球員都操到手瓜起腱，再配合埋佢地既外投，總算係東亞區霸到個位置。
而韓國就無台灣球員咁大隻，身型普遍都係鋼條身型，了了瘦瘦，同香港既球員差唔多，但係點解佢地能夠單靠呢副身軀，可以係東亞，甚至能與其他西亞球隊抗衡？就係靠佢地傳統落黎既快速上落，熟到爛既默契，機動性既走位及準繩既射術，避開左同 D 高大既球隊正面碰撞，針對高大球員靈活性低既問題，去戰勝對手，所以韓國籃球既風格好值得矮細既球員去學習，係呢方面我相信香港既球員只要能夠付出時間同決心，一定能夠有所提升及突破。
▲港隊出發前大合照。
▲港隊於南韓仁川市內留影。
▲梁民熊(右)與隊友黃鎮煒(中)和方誠義(左)均有份出戰今屆東亞籃球錦標賽。
待續……