【體路專欄】俗語有話禮多人不怪，上期富足主祝福完大家，今期點都要贈大家幾句： 祝各位 富貴迎春 足可圓夢 主宰大局 白吃白喝 痴心好報 有入場睇今屆賀歲盃既老友都應該覺得好滿足，事關公民昆卡聯隊唔單止第一日踢出水準，去到決賽一樣咁勇，睇住果d起勢話公民-6既朋友收皮真係充滿快感，當然，話無私心就假o既，公民足主貝生話曬都同夏體硬有好多計傾，同我又點止「有d交情」咁簡單呢？
夏季成立的體記硬地足球隊
本世紀最惡搞足球隊，成立於2006年夏季，成員為現職記者，曾奪2008-09年球季記協杯亞軍、2009-10年球季記協杯殿軍、2010-11年及2011-12年球季記協杯季軍、2012-13年球季記協杯冠軍。Hartiend讀音，眾說紛紜，有正音派如肥B等讀作「黑騰」，亦無不可。然根據足主馬田所言，Hartiend應踏踏實實擔當「夏體硬」譯音的角色，讀作「蝦、T、N」應比較貼切。
How Kai is Kai
【體路專欄】馬年第一次o係《體路》同大家見面，老套都要講句賀年說話，不過每逢大時大節，富足主呢行都忙到出煙，實在諗唔到乜o野恭賀說話喇，是是但但祝各位： 夏涼冬暖 身體健康 笑口常開 比賽贏硬
夏體硬幾代同堂之團年飯
【體路專訊】夏體硬早幾日搞團年飯，除左陣中食家之外仲有體路老細阿菲同Carrie出席，認真俾面。 同場出席既仲有曾經踢過夏體硬，有夏體硬張立基（註：張立基係咸豐年代一位靚仔歌手，但WFC…）之稱既阿Ron都有出席，呢位靚仔球星近期已經去左電影界發展，將佢平時用係球場上既假動作用左落電影剪接既美感應用上面，又真係幾有美感。
扭曲的世界
唔知大家有冇發覺，今時今日香港已經變得愈來愈唔對路，尤其是o岩o岩呢個禮拜，發生o左太多光怪陸離o既事，富足主身邊唔少朋友都灰過魁北克。真係要深思一下，到底係時代巨輪轉得太快，定係自己走得太慢，已經追唔上依家節奏。
等了又等之記協盃開鑼
等了又等，等足唔知幾多個月之後，記協盃終於開鑼喇！ 同賽前預期一樣，技術唔差但身型發脹既富足主繼續被棄用，無辦法啦，唔同地方都總有同一類人，有天份但又放棄自己，唔係自暴自棄就係打假波搵快錢，足主我就最憎呢種人，搞到原本好認真訓練同拼搏既球員要俾一班出左事先出黎突然變專家既孔明鬧埋一份，對其他人真係好唔公平。
記協盃對有線快樂足球隊
2014年首次同各位見面，富足主先代表夏體硬祝各位《體路》讀者身體健康，路路暢通；另祝國足主體無完膚，窮途末路。 一年一度o既記協盃已經開o左波，由於賽程編排關係，夏體硬衛冕之路首場賽事，延遲到聽日(1月4日)先上演，對手係有線開心足球隊。
Hartiend就是如此受歡迎
呢兩個月喜事一籮籮，先係有「夏體硬杜奧巴」之稱既阿威小登科，再黎月中就到「夏體硬雞巴謙」5+him拉埋天窗，話晒兩位係球場內外都為夏體硬立下汗馬功勞，作為足主既我一定會識做，親手寫張賀卡當係人情送俾佢地，講心唔講金嘛。
熱烈地彈琴熱烈地唱
臨近年尾，又係擺酒結婚ｏ既高峰期，夏體硬呢排亦都喜事重重，繼成功踢走可樂暉同黑龍波，同埋射手雷蒙威上個月小登科之後，下星期就輪到我o地o既首席後備前鋒5+HIM，同佢o既細細粒共諧連理，真係恭喜恭喜。而且佢張帖都好整得好有心機，o係度畀大家先睹為快。
山係石頭海係水
上次富足主FFo左篇文，結果惹o黎劣評如潮，冇計，慧根o既o野唔係個個都有，今期唯有就一就，講番o的山係石頭海係水o既o野。 今個星期本地球圈最大件事，就係港隊亞洲盃力戰之下輸o左畀烏茲別克，出線機會變得非常渺茫。身為鍵盤戰士之一o既富足主，事後走訪網上幾個論壇，睇o下網民點睇，發現大家對「雖敗猶榮」呢幾隻字好有意見。