【體路專欄】馬年第一次o係《體路》同大家見面，老套都要講句賀年說話，不過每逢大時大節，富足主呢行都忙到出煙，實在諗唔到乜o野恭賀說話喇，是是但但祝各位：
夏涼冬暖
身體健康
笑口常開
比賽贏硬
又踏入新一年，夏體硬又係時候諗o的新搞作，由於上屆我o地贏o左記協盃冠軍，理論上可以代表香港，出戰亞洲記協（下稱亞協）主辦o既亞洲記者冠軍盃（下稱亞冠）。不過到目前為止，都仲未有人接觸我o地。據無事不知無事不曉o既一位行家透露，原來夏體硬仲未達到參賽門檻，未考到個所謂亞協牌照，於是被WFC。
有見及此，富足主同國足主商量後，罕有地達成共識，決定要「做o的o野」去reach（達到）亞協o既requirement（要求）。首先，我o地要感謝前隊友可樂暉，多謝佢啟發o左我o地一句口號How Kai is Kai（有幾Kai 要幾Kai）。
How Kai is Kai？
大家唔使問，一望可樂暉就知答案。當然，富足主亦唔主張大家以貌取人，咁係非常之錯o既（事實上可樂暉亦係好有自我思想o既一件生物），我o地應該從佢行為入手，去證實呢個人到底有幾Kai。就好似有人想約大家去佢新居玩，竟然事前只係諮詢o左國足主，就定o左日期係年初三。結果佢o係fb開個event，邀請o左20個人，就只有2條友得閒出席。最終呢個活動有冇舉行，至截稿時仍未有知道，可以肯定一點，就係How Kai is Kai？ Fai is 最 kai。
另外，我o地亦會舉行#giveme5000活動，詳情留待下一次透露。
富足主
