【體路專欄】香港記者協會今年首辦「記協盃籃球賽」，容許來自不同機構的傳媒工作者（記者、專欄作家、公關）組隊比賽，故筆者與一眾記者老友，實現了12年來的組隊夢—隊名叫「走四步」。球隊名稱是懷念當年走四步仍未「合法」的年代，我們「不求進步，只求走步」，開開心心參賽便滿足了。
記協盃
堅Sir領軍 Hartiend FC重奪記協盃
【體路專訊】2017年度記協盃今日（11日）煞科，由和富大埔冠軍教練李志堅執教、以體育主播及記者組成的Hartiend FC，克服酷熱天氣及主力缺陣的影響，3:1力克TVU，重奪失落了3年的冠軍獎盃；即將成家立室的中場主力麥仲秋更獲選為最有價值球員，堪稱三喜臨門。
備戰記協盃 夏體硬開操！
【體路專訊】夏體硬專欄足足停左幾個月，呢幾個月，香港都有唔少風波出現，唏，風波呢家野我都見慣見熟，就好似我同富足主之間既權鬥，根本一秒都未停過。 有留意國內政局既朋友都應該知道，呢期揸fit人雷厲風行係咁打貪打到d貪官現形見血，一時又話要打大老虎，一時又話要慢慢引隻大老虎出黎，劇情絕對係上得HKTV；而有留意開我地夏體硬呢隊波既朋友，都會知道我地隊波裡面都有一隻大老虎，至於係邊個我就唔想開名，免得富足主唔高興。 呢隻大老虎既佳作實在係罄竹難書，我都唔想一一列舉出黎，不過近期有樣野真係唔講唔得既就係，大老虎居然私底下同隊友講，話我食放題食得多食到個人都懵左，無能力落場亦無能力再帶領隊波去踢一年一度既記協盃。 眾所 _ 知，小弟係一個極之喜歡食放題既人，喜歡既程度甚至係冒住俾大老虎笑到面黃既風險開個「放題王」專頁黎談論坊間放題，而我亦好明白狂食放題係會將自己推向中年危機，所以呢兩個月狂操 #NTC之外，我亦特登搵左以嚴厲著稱既港甲球隊橫濱FC教練李志堅，為我地設計專業訓練課程，呢日就拉隊去左麥花臣開操，堅sir收操後更大讚小弟體能fit之餘，技術同意識更加係世界級。 而大老虎今日亦都理所當然地無現身，部份球員亦都借故缺席今課操練，有傳聞佢地已經向大老虎投誠，所以我決定繼續狂操備戰之餘，亦會慢慢清除隊內大老虎勢力，暫時行動代號係「今晚打老虎」。 呢個星期六係我地第一場記協盃分組賽，朝早11點跑馬地草地足球場，小弟已經依靠關係同足總溝通過，賽事將會不收門票免費入場，歡迎大家到場打氣！ 國足主
等了又等之記協盃開鑼
等了又等，等足唔知幾多個月之後，記協盃終於開鑼喇！ 同賽前預期一樣，技術唔差但身型發脹既富足主繼續被棄用，無辦法啦，唔同地方都總有同一類人，有天份但又放棄自己，唔係自暴自棄就係打假波搵快錢，足主我就最憎呢種人，搞到原本好認真訓練同拼搏既球員要俾一班出左事先出黎突然變專家既孔明鬧埋一份，對其他人真係好唔公平。
記協盃對有線快樂足球隊
2014年首次同各位見面，富足主先代表夏體硬祝各位《體路》讀者身體健康，路路暢通；另祝國足主體無完膚，窮途末路。 一年一度o既記協盃已經開o左波，由於賽程編排關係，夏體硬衛冕之路首場賽事，延遲到聽日(1月4日)先上演，對手係有線開心足球隊。