最近有幾位學員都話要考警察維持治安，問引體上升點好喎~~咁今日當然講吓引體上升喇！
引體上升
引體上升係一個鍛煉背部肌肉嘅經典動作，呢個動作有分為”正手”及”反手”，兩者都以背闊肌為目標肌肉，同時下斜方肌、肱二頭肌、肱三頭肌亦有參與其中嘅，據2010年12月”肌力和體能研究報刊”分析指出反手比正手給予胸肌、肱二頭肌更多的肌電信號，而正手明顯地使下斜方肌更加活躍。
咁今日我就講吓反手先啦……
動作過程：
首先梗係企係支bar前面先啦，兩手手心向自己，膊頭咁闊握住支bar，雙腳屈曲離地(圖1)，吸氣，慢慢將身體向上拉，同時呼氣，支bar拉至約下巴位置停約1秒(圖2)，然後再返到原來位置(圖1)，重複動作。
下次我會講吓正手嘅引體上升，請大家繼續留意我係體路嘅文章或可到我嘅Facebook Page “高級私人教練 Jerry Liu”，多謝支持!!