正所謂，熱辣辣熱辣熱辣辣，好熱好熱…
如果大家唔知上面句野咩意思，不妨loop一loop下面呢條經典短片:
近排天氣曬到阿媽都唔認得，本身習慣朝早下晝踢波o既一班隊友，個個變曬朱古力波，好多人都轉而出席個個禮拜四o既深宵足球例行聚會，唔知係咪場地冷氣唔夠，定還是出汗蒸到冷氣都唔夠分，成班友踢踢下都要去場邊抖氣，真係奇景。
即係咁，其實我一向都好注重夏體硬呢隊波o既形象，雖則我o地個隊名好似有d不雅，不過每次出席公開場合我都要求成班隊友除o左全set nike，言行舉止都要似番個紳士，絕對唔能夠做d有損隊波形象o既行為。
我地後防大將阿聲一向都係好好先生，除o左唔煙唔酒唔熟唔食之外，球場上亦都絕對唔會做d一腳收人山o既行為，就係呢一種由頭到腳由內到外散發出o黎o既氣質，令佢成為我地呢隊波o既隊長，曾經有一晚，我同佢真心剖白，我話假如將來我比副足主迫到走投無路甚至迫死o既話，我希望佢能夠代替我執掌夏體硬，繼續對抗副足主呢股邪惡o既勢力…
我當時腦裡面o既畫面，就好似聖經漫畫咁，一班球員同球迷好似門徒一樣，圍住頭頂有光環面容又和藹o既阿聲，我承認我真係有咁理想諗得咁理想。
直至尋晚踢完夜波…..
我諗我要重新評估阿聲了!
國足主
