做記者做得耐，就會覺得香港人有一種慣性，呢種慣性配合埋某d別有用心o既人，某d別有用心o既陰招，係會有好大影響o既。
就好似每年每月每次示威遊行，我地個個由以往舉牌，寫住「反對XXXX」，到而家要寫「強烈反對XXXX」，先能夠引起果D所謂「沉默的大多數」托高個頭望兩眼，無他o既，對於好多人o黎講，以往睇「反對」兩個字已經睇到慣曬，就好似你日日拎支辣椒醬送飯咁，食得耐你都唔再覺得有辣味；於是「強烈反對XXXX」就出場了，就好似由辣椒醬改為食指天椒，辣到噴火，你地先feel到辣味，如果你而家舉張牌寫住「反對XXXX」，恐怕已經無乜人會覺得你係有非常強烈o既冤屈同訴求
難怪有傳聞話，北大人私底下同英哥講，香港係「越亂越好管」
當有人o係一d細o既議題上違背民意，好自然就會有人出o黎示威反對，但由於個議題細，無論當局回應、唔回應、擺明ban你，你唔會有太大反應，但係骨子裡就殖入o左「就算示威反對都唔會有結果」呢粒種籽，好喇，呢個level搞得掂你，越來越多更大o既議題又o黎ban你，又o黎試你水溫，就變成一個「溫水煮蛙局」，你火滾，你嬲，咪熄細d過火繼續煲落去，最大精粹係佢keep住繼續煲令你習慣比人煲o既過程，你就唔會有爭取叫佢熄火o既念頭了
所以香港人呀，當你地見到諸如長毛人力社民連，好激進咁為你地爭取一d你地眼中好皮毛o既o野，要怪o既並唔係佢地點解咁多事同多餘，你地應該埋怨一下點解香港咁多沉默o既大多數一直容許呢煲青蛙湯一直煲落去，可能有人認為人力吹雞向梁振英示威，係好多餘好好笑，有付出又無收穫o既事，但不妨諗諗你地睇呢單新聞當時、之後，你地做緊乜o野同諗緊乜o野，如果你地有份拎呢件事o黎笑，笑完又當無事發生，咁恭喜你，你已經係梁生眼中o既「一等梁民」了
夏體硬陣中，包括我同盛傳被我排除o既阿聲在內，都對近期香港o既社會氣氛非常之失落，皆因我地都唔係青蛙，我地都feel到熱，仲係越o黎越熱…
熱辣辣熱辣熱辣辣，好熱好熱…
國足主
