對不起，近期忙著籌備亞太區首個業餘球隊的VDO（video的戲稱）blog，忙得不亦樂乎，以致網誌經常脫稿…當然，這是藉口，有邊個足主做錯事，係會無藉口呢？
我希望球員（特別係富足主）明白，管理及改革球隊，是夏體硬既艱苦，卻又是必須要走的路，夏體硬的確不能只靠寥寥幾隻字既文字blog去支撐，人家少林寺都走上時代尖端，出VDO blog，是希望能夠發展更生動更活潑的面貌去面對群眾。
我個人意見，我認為「港女14巴」有很好的參考價值；呢十幾年每提起港女，每個年代都有一d代表性事件，好似多年前既「港女63.8」、「5蚊港女」、「港女趙燕萍」甚至早排既「港女500」，可見港女呢個議題、話題，無論有意無意都好，每個年代都會有一d代表性事件帶番起高潮，用推廣一件事既角度黎到睇，其實係非常成功。
而我地呢，除左有事無事推可樂暉出黎雞汁式咁哈哈哈哈哈哈哈哈之外，球隊推廣上似乎去到一個樽頸位了，所以，推出VDO blog是勢在必行的，構思中既VDO blog將會放在體路，大家可以subscribe sportsroad呢個網站。
如果無時間睇片，當聽message咁聽都OK架，搭住車聽又得，上住網聽又得，沖住涼聽都得，大家喜歡的話，請比個Like！
國足主
