【體路專欄】咖啡因（Caffeine）大概喺人體攝取後60’，血液中咖啡因會到最高點，建議最好喺運動前1至1.5小時將咖啡飲完（Sokmen et al, 2008）。
雖然攝取咖啡因有助提升耐力運動表現，但因為佢有利尿作用，飲太多可能造成身體水分不足或有脫水現象，所以飲嘅份量都好重要，若要增強運動表現，運動前可服用3至6 mg/kg為佳（Goldstein et al, 2010），攝取更多則無法再提升運動表現，以一位65公斤跑手為例，長跑前攝取195至390 mg咖啡因較佳，飲完記得預留足夠時間上廁所！
温馨提示︰每人對於咖啡因嘅反應都唔同，建議先了解自己身體接唔接受到，運動前飲1至2杯咖啡有助提神，但過量會有反效果，記得適可宜止。
文：香港跑手 屈旨盈