【體路專欄】作為一個長跑人，跑步係生活嘅一部分，以前要工作時會選擇晨跑，又或夜晚返學前跑，爭取時間訓練，有人會問生活上有咁多誘惑，點樣忍呢？
人生總要有取捨，我訂立目標後會盡力去做，配合教練安排嘅訓練和做好自己控制到嘅嘢，將要做嘅嘢排優先次序，重要嘅嘢做先，如果真係要去無得推嘅飯局，我會預早告知要早走，免得影響休息和之後訓練。
賽季期間甚少約朋友出街食飯，減少美食嘅誘惑，完哂重要賽事就會約返朋友見面，難得約朋友出街食飯就開開心心食暢暢快快傾，放鬆心情後先有力量同衝勁繼續努力，向下一個目標進發，只要自己覺得值得，就唔會後悔作出咁嘅抉擇。
文：香港跑手 屈旨盈