【體路專欄】跑步除咗練跑，都要練體能鍛鍊肌力，有助減低受傷機會，跑步嘅體能訓練主要針對核心肌肉、大腿和臀部肌肉，我習慣練完跑喺運動場做核心肌肉訓練。
另外，一星期有一課去健身室做體能訓練，練完體能會休息或者輕鬆慢跑30分鐘，翌日盡量避免進行高強度訓練，疫情期間無健身室用就喺屋企運用阻力帶和健身球保持適量體能訓練。
每人所需要鍛鍊嘅肌肉都會有啲唔同，有啲人左腿後肌較弱，有啲人右邊腰較緊，可以針對地進行體能訓練，我自己腳腕受過傷，會再做些訓練去鍛鍊腳嘅小肌肉和加強腳腕穩定性，所以除咗一般體能外，可以按自己需要去鍛鍊和強化自己。
文：香港跑手屈旨盈